Еврокомиссия раиси Жан-Клод Юнкер ичкиликбозликка ружу қўймоқда, деб хабар қилмоқда Le Soir нашри Люксембург матбуотига таянган ҳолда.
Мақолада айтилишича,«кашандаликка муккасидан кетган Жан-Клод Юнкерни вино ёки жин билан алдаб бўлмайди». Сиёсатчининг айрим люксембурглик ҳамкасблари ҳазил аралаш «Жан-Клод Юнкер ичмаса яхши кўринмас»лигини уқдиришади.
Аммо, нашр Еврокомиссия раҳбарининг ақли жойида эканига шубҳа уйғотувчи иккитагина ҳолатни ёдга олади. Биринчиси, 2015 йил майида Ригада қайд этилган эди. Ўшанда, Юнкер Венгрия бош вазири Виктор Орбанни «диктатор келмоқда» дея қаршилаган ва юзига енгил тарсаки туширган, бунинг устига Бельгия бош вазири Шарль Мишелнинг калбошидан ўпиб қўйганди.
Иккинчи маротаба, деб ёзади газета, ўтган йилнинг июнь ойида Европа кенгашининг матбуот анжуманида кўпчилик Юнкернинг уёқдан бу ёққа бориб келаётганини ва вайсаётганини таъкидлашган бўлса-да, бу воқеага оид видеолавҳаларни топишнинг имкони йўқ.
Аввалроқ, Politico нашри Еврокомиссия раисини буйрак хасталигидан азият чекувчи кашанда деб атаган эди.