Хитойнинг киберҳудуд бўйича маъмурияти бир нечта йирик веб-порталларга (Sina Corp., Tencent Holdings, Sohu.com, NetEase Inc. ва бошқаларга) оригинал янгилик ёзишни тақиқлаб қўйди, деб хабар бермоқда Bloomberg.
Маъмурият баёнотида айтилишича, эслатиб ўтилган интернет-компаниялар "катта салбий оқибатларга" олиб келган кўп миқдорда оригинал янгилик жойлаштириб, интернетни тартибга солишнинг маҳаллий меъёрларини "жиддий бузганлар".
Энди интернет-ОАВга давлатга боғлиқ бўлган Хитой ОАВ жойлаштирган хабарларни чоп этишга рухсат берилмоқда. Меъёрларга амал қилмаган медиа-компанияларга катта жарима солинади.
Энди уларга сиёсат, иқтисодиёт ва жамият ҳақидаги долзарб янгиликларни чоп этиш тақиқланди.
Бу Хитойда интернет-ОАВга нисбатан қўлланаётган биринчи чекловчи чора эмас. Июль бошида маҳаллий онлайн-ОАВга ижтимоий тармоқлардан олинган ахборот асосидаги янгиликларни чоп этиш тақиқлаб қўйилганди.