"Толибон"нинг бўлимларидан бири ҳисобланувчи "Жамоат-ур-Аҳрор" Покистоннинг Кветта шаҳрида рўй берган портлаш учун жавобгарликни ўз зиммасига олган. Бу ҳақда Рейтер агентлиги хабар тарқатди.
Охирги маълумотларга кўра, теракт оқибатида 93 киши ҳалок бўлган, 50дан ортиқ киши жароҳатланган.
"Жамоат-ар-Аҳрор" бу ҳужум учун жавобгарликни ўз зиммасига олган ва ҳужумлар уюштиришда давом этиши ҳақида маълум қилган.
Теракт Кветтада Билужистон Адвокатлар уюшмасининг президенти Билол Анвар Кашига нисбатан суиқасд уюштирилганидан сўнг юз берди. Полиция ва қутқарувчиларнинг маълум қилишича, портлаш Каши шифохонага етказилганидан сўнг юз берди. Каши кейинроқ олган жароҳатлари туфайли ҳалок бўлди.
Reuters агентлигининг аниқлик киритишича, бомба ишга тушганда шифохона биносида Кашини зиёрат қилиш учун келган 50 дан ортиқ киши, жумладан, ҳуқуқшунос ва журналистлар бўлган.