Рио—2016 нинг 52 килограммгача бўлган боксчилар ўртасидаги мусобақасида Ўзбекистон шарафини ҳимоя қилаётган Шаҳобиддин Зоиров ўз юришини давом эттиради.
У нимчорак финалда америкалик Антонио Варгасга қарши рингга чиқди ва рақибини дастлабки икки раунддаёқ мағлуб этиб, чорак финал масаласини ҳал қилди.
Шаҳобиддин Зоиров турнирдаги иштирокини 1/16 финалдан бошлаб, биринчи жангида ирландиялик Брендан Ирвинни мағлубиятга учратишга муваффақ бўлганди.
У чорак финал жангини 17 август куни Озарбайжон вакили Мамишзода Елвинга қарши ўтказади.