АҚШ ҳукумати Бирлашган Араб Амирликларига Гуантанамо турмасида сақланаётган 15 маҳбусни топширди, деб хабар бермоқда Associated Press.
Таъкидланишича, БААга 12 нафар яманлик ва 3 нафар афғон юборилган.
Пентагон маълумотларига кўра, айни вақтда турмада яна 61 маҳбус қолмоқда.
Маълум қилинишича, АҚШ президенти Барак Обама ўзининг президентлик муддати якунлангунгача Гуантанамо турмасини ёпмоқчи. Унинг айтишича, у турмани тугатиш масаласини ўзининг ворисига қолдирмоқчи эмас.
Аввалроқ АҚШ Сербияга Гуантанамодаги икки маҳбусни топширганди.