Хавфсизлик кучлари ходимлари Саудия Арабистонидаги масжидлардан бирига уюштирилаётган ҳужумнинг олдини олишга муваффақ бўлишди. Бу ҳақида Al Arabia нашри хабар берди.
Манбага кўра, воқеа 23 август куни Аш-Шарқийя провинцияси Ал-Қатиф туманидаги Ум-ал-Ҳамам қишлоғида бўлиб ўтган. Тахминий террорчи қуролли кучлар билан бўлган отишмада ўлдирилган. Воқеа содир бўлган жойда тергов ишлари олиб борилмоқда.
Аш-Шарқийя – мамлакатнинг асосан шиа мусулмонлари истиқомат қилувчи ягона ҳудуди. Шу боис бу ерда диний тушунмовчиликлар асносида кўп зиддиятлар юзага келади.
