"Формула-1" пойгачиси Нико Росберг ёзги таътилдан кейин ўтган биринчи пойга – Бельгия Гран-присини ютди. Бу ғалаба Mercedes-AMG пойгачиси учун бу трассадаги илк ғалаба бўлди.
Пойгада иккинчи бўлиб маррага Red Bull пойгачиси Дэниэл Риккардо етиб келди. 3-ўринни эса Mercedes-AMG жамоасининг яна бир вакили, амалдаги жаҳон чемпиони Льюис Хэмилтон ютди. Хэмилтон болидидаги двигателга ортиқча ўзгартириш киритгани учун жаримага тортилиб, пойгани 21-позициядан бошлаган.
Етакчи бешталикдан, шунингдек, Force India’нинг икки пойгачиси – Нико Хюлькенберг ва Серхио Перес ўрин эгаллади.
Бельгиядаги пойгадан кейин пойга етакчиси Льюис Хэмилтон бўлиб қолмоқда. Унинг ҳисобида 232 очко бор. Нико Росберг ундан 9 очкога ортда қолмоқда. Конструкторлар кубогида 415 очко билан Mercedes-AMG жамоаси етакчилик қилмоқда.
Пойганинг навбатдаги босқичи Италияда 2-4 сентябрь кунлари бўлиб ўтади.
Қуйида пойга натижалари ва умумий ҳисоб келтирилган.
Бельгия Гран-приси
1. Нико Росберг Mercedes-AMG
2. Дэниэл Риккардо Red Bull
3. Льюис Хэмилтон Mercedes-AMG
4. Нико Хюлькенберг Force India
5. Серхио Перес Force India
6. Себастьян Феттель Ferrari
7. Фернандо Алонсо McLaren
8. Вальттери Боттас Williams
9. Кими Райкконен Ferrari
10. Фелипе Масса Williams
11. Макс Ферстаппен Red Bull
12. Эстебан Гутиеррес Haas
13. Роман Грожан Haas
14. Даниил Квят Toro Rosso
15. Джолион Палмер Renault
16. Эстебан Окон Manor
17. Фелипе Наср Sauber
Умумий ҳисоб
1. Льюис Хэмилтон Mercedes-AMG 232
2. Нико Росберг Mercedes-AMG 223
3. Дэниэл Риккардо Red Bull 151
4. Себастьян Феттель Ferrari 128
5. Кими Райкконен Ferrari 124
6. Макс Ферстаппен Red Bull 115
7. Вальттери Боттас Williams 62
8. Серхио Перес Force India 58
9. Нико Хюлькенберг Force India 45
10. Фелипе Масса Williams 39
11. Фернандо Алонсо McLaren 30
12. Карлос Сайнц Toro Rosso 30
13. Роман Грожан Haas 28
14. Даниил Квят Toro Rosso 23
15. Дженсон Баттон McLaren 17
16. Кевин Магнуссен Renault 6
17. Паскаль Верляйн Manor 1
18. Стоффель Вандорн McLaren 1
