Футбол бўйича Ўзбекистон Олий Лигасининг 21-тури бошланди. Турнинг биринчи кунида 7та ўйин ўтказилди.
Дастлаб «Металлург» — «Пахтакор» учрашуви ўтказилди ва бу учрашувда Бекобод клуби 2:0 ҳисобида ғалаба қозонди.
Амалдаги чемпион «Пахтакор» дарвозасини 24-дақиқада Муроджон Тошматов аниқ нишонга олди. Александр Лобанов дарвозаси 69-дақиқада Ислом Қобилов томонидан ишғол этилди: «Металлург» — «Пахтакор» 2:0.
Мазкур ғалабадан кейин Бекобод клуби очколари сонини 39 тага етказиб олди ва лиганинг тўртинчи жамоаси бўлиб турибди. «Пахтакор»да эса 20 та ўйиндан кейин 29 очко бор. Клуб бир поғона юқорига кўтарилиши учун камида 6 очко ишлаши керак.
Тошкентнинг яна бир жамоаси, айни вақтда турнир жадвалида пешқадамлик қилаётган «Локомотив» жамоаси эса ўз майдонида «Шўртан»ни қабул қилди ва 3:0 ҳисобида ғалаба қозонди. Мезбонлар сафида Мирзаев, Капазде ҳамда Бикмаев голларга муаллифлик қилишди.
Бу ғалабадан кейин «Локомотив» ҳисобидаги очколар сони 55тага етди ва жамоа энг яқин таъқибчиси «Насаф»ни 9 очкога ортда қолдирмоқда.
Жиззахнинг «Сўғдиёна» жамоаси «Андижон»ни кичик ҳисобда енгди ва турнир жадвалида 26 очко билан саккизинчи ўринга жойлашди.
«Насаф» эса «Бухоро»ни қабул қилиб, 3:0 ҳисобида ғалаба қозонди. Қаршиликлар жамоаси 46 очко билан иккинчи ўринда, «Бухоро» эса 36 очко билан олтинчи ўринда жойлашган.
Қашқадарё вилоятининг яна бир жамоаси «Машъал» эса Фарғонада «Нефтчи»га қарши майдонга тушиб, 2:1 ҳисобида устун келди.
Наманганда «Навбаҳор» «Олмалиқ» билан, Навоийда «Қизилқум» «Қўқон-1912» билан дуранг қайд этди.
Ўзбекистон Олий лигаси
21-тур
“Металлург” – “Пахтакор” - 2:0 (1:0, 1:0)
Голлар: 1:0 - 24 Тошматов, 2:0 - 69 Қобилов.
"Металлург": Султонов, Ҳ.Ҳошимов, Каримов, Одилов, Нўъмонов, Шотурсунов, Эсонқулов, Каримқулов, Сулаймонов, Тошматов, Қобилов.
"Пахтакор": Лобанов, Андреев, Тожиев, Ораховац, Ҳошимов, Исматуллаев, А.Аҳмедов, Болтабоев, Машарипов, Искандеров, Ҳакимов.
“Локомотив” – “Шўртан” - 3:0 (0:0, 3:0)
Голлар: 1:0 - 47 Мирзаев, 2:0 - 69 Кападзе, 3:0 - 78 Бикмаев.
"Локомотив": Нестеров, Махарадзе, Абдухолиқов, Яничич, Мирзаев, Мустафоев, Кападзе, Шоаҳмедов, Алибоев, Файзиев, Геворкян.
"Шўртан": Туробов, Эргашев, Отақулов, Амонов, Каримов, Мамадалиев, Таран, Полвонов, Эшмуродов, Муродов, Магеррамов.
“Сўғдиёна” – “Андижон” - 1:0 (0:0, 1:0)
Гол: 1:0 - 65 Баҳодиров
"Сўғдиёна": Абдуллаев, Орипов, Холмуҳаммедов, Рашидов, Музаффаров, Жўраев, Холмуродов, Қосимов, Ҳасанов, Эминов, Тошпўлатов.
"Андижон": Ходжаев, Тагаев, Васильев, Бекмуротов, Ильеску, Гусейнов, Жўрабоев, Жўраев, Бугняк, Акбаров, Смоляченко.
“Насаф” – “Бухоро” - 3:0 (2:0, 1:0)
Гол: 1:0 - 10 Эркинов, 2:0 - 36 Сайфиев, 3:0 - 75 Черан.
“Насаф”: Қувватов, Ғаниев, Муҳаммадиев, Эркинов, Абдураҳимов, Голбан, Аъзамов, Красич, Мусаев, Раҳматов, Сайфиев.
“Бухоро”: Худоёров, Неъматов, Шихов, Пардаев, Ҳасанов, Мерзляков, Аманов, Муллажонов, Ибрагимов, Саноев, Фомин.
“Нефтчи” – “Машъал” - 1:2 (0:2, 1:0)
Голлар: 0:1 - 31 Муртазоев, 0:2 - 33 Тўраев, 1:2 - 88 Саидов.
"Нефтчи": Юсупов, Пўлатов, Саидов, Қодиров, Ҳакимов, Махсталиев, Ғофуров, Расулов, Эрматов, Исроилов, Раҳмонов.
"Машъал": Носиров, Комилов, Абдураимов, Қўзибоев, Камолов, Муртазоев, Шайманов, Шодмонов, Ҳамроев, Тўраев, Деркач.
“Навбаҳор” – “Олмалиқ” - 3:3 (0:2, 3:1)
Голлар: 0:1 - 7 Мухторов, 0:2 - 27 Исаев, 1:2 - 47 Абдуллаев, 2:2 - 48 Исоқжонов, 2:3 - 50 Иномов, 3:3 - 73 Маҳмудов.
“Навбаҳор”: Парванов, Баҳритдинов, Жабборов, Маҳмудов, Алексин, Алиев, Маҳаммаджонов, Тўйчибоев, Исоқжонов, Шамситдинов, Сангажиев.
“Олмалиқ”: Ортиқов, Акбаров, Гоголь, Омонов, Мамазулумов, Пиримов, Исаев, Иномов, Асқаров, Мухторов, Норбеков.
"Қизилқум" – "Қўқон-1912" - 1:1 (1:0, 0:1)
Голлар: 1:0 - 18 Юнусов, 1:1 - 65 Отақўзиев.
“Қизилқум”: Жабборов, Квесиашвили, Рустамов, Қамбаров, Нарзуллаев, Жўраев, Юнусов, Хасанов, Йованович, Шодиев, Юсупов.
“Қўқон-1912”: Ашуров, Турсунов, Гожкович, Валентич, Раҳимов, Бердиев, Ҳамидов, Сиддиқов, Зокиров, Отақўзиев. Ҳайдаров.
