Фото: OlympicUz
Бразилиянинг Рио-де-Жанейро шаҳри мезбонлик қилаётган Паралимпия ўйинларида Ўзбекистон паралимпия делегацияси ҳисобига дзюдочилар жамоаси навбатдаги медални тақдим этди.
Эркаклар ўртасида 66 кг. вазн тоифасида иштирок этган Ўткиржон Ниғматов паралимпия ўйинларида чемпион бўлди.
У чорак финалда кубалик дзюдочини "вазари" баҳоси билан мағлуб этди. Ярим финалда эса украиналик Давид Хоравага қарши баҳс муддатидан олдин қайд этилган ғалаба билан якунланди.
Ниғматов ҳал қилувчи баҳсда озарбойжонлик Байрам Мустафоевни иппон билан мағлубиятга учратди ва шоҳсупанинг энг юқори поғонасига кўтарилди.
