Мексиканинг Сонора штати полицияси кўриниши замбаракка ўхшаш, ўзи эса чегара орқали гиёҳванд моддалари отиш учун мўлжалланган юк машинасини аниқлади. Бу ҳақда Business Insider хабар бермоқда.
Полиция ҳисоботига кўра, рақамсиз юк машинаси АҚШнинг Аризона штатидан унча узоқ бўлмаган ҳудуддан топилган. Машина қаровсиз қолдирилган, унинг эшиклари очиқ бўлган.
Фургон корпусида ҳаво компрессори, бензинли двигатель, ҳаво сақловчи қурилма, шунингдек, узунлиги уч метр бўлган металл қувур топилган.
Гиёҳвандфурушлар бу қурилмадан 2012 йилдан бери фойдаланиб келишади. Унинг ёрдамида гиёҳванд моддаларни чегарадан 200 метр узоқликка ирғитиш мумкин бўлади.
