Қирғизистон президенти Алмазбек Атамбаев Москвадан Бишкекка етиб келди. Бу ҳақда Атамбаев девонида маълум қилинди.
"Давлат раҳбари самолёти бугун Бишкекнинг Манас аэропортига қўнди", деб маълум қилинди хабарда. 1 октябрда Атамбаев Москвадаги шифохонада даволангандан кейин чиқариб юборилганди.
Атамбаев 23 сентябрдан Москвадаги Марказий клиник шифохонада даволаниш курсидан ўтган. Бунга Атамбаевнинг 19 сентябрда Истанбул аэропортида Нью-Йорк кетадиган самолётга ўтираётганда ўзини ёмон ҳис қилгани сабаб бўлган. Кейинроқ Атамбаевда юрак билан боғлиқ муаммолар аниқланган.
