АҚШ Сурияни диний кўринишига кўра бир неча давлат тузилмаларига парчалаб ташламоқчи, деган фикрни билдирган Сурия ахборот вазири Рамиз Таржаман.
«Вашингтон Суриянинг заиф давлат бўлишини хоҳлайди. Уни бўлиб ташлаш мақсади ҳам бор. Хусусан, шимолда курд давлати эълон қилинганидан сўнг, айтиш мумкинки, бу ғоя мавжудлигини исботлади. Унга кўра, Сурия ҳеч бўлмаганда федерация ёки конфедерацияга айланиши керак», — дея вазирнинг сўзларини келтиради РИА Новости агентлиги.
Таржаманнинг қайд этишича, Яқин Шарқдаги америкалик стратеглар Сурия ҳудудини конфессияларга оид белгисига мувофиқ парчалаш ниятидалар.
Аввалроқ, Оқ уй расмий вакили Жош Эрнест баёнот берганидек, АҚШ Сурияда вужудга келган вазият учун Дамашқ ва Москвани товон тўлашга мажбур қилиш мақсадида БМТ доирасидан ташқарида сиёсат юритишга ҳам тайёр.
