Бирлашган Миллатлар Ташкилотининг янги сайланган бош котиби Антониу Гутеррешнинг баёнот беришича, у Россия ва АҚШни ўзаро яқинлаштириш учун ишлашга тайёр. У бош котиблик лавозимига тасдиқланганидан сўнг, РИА Новости агентлигига берган интервьюсида шу ҳақда сўз юритган.
БМТ Бош Ассамблеяси Антониу Гутерреш номзодини бутунжаҳон ташкилотининг бош котиблигига тасдиқлаган эди. БМТнинг тўққизинчи бош котиби 2017 йил 1 январидан бошлаб вазифасига киришади.
"Мен ушбу икки давлат муносабатлари яхшиланишига ишонаман. Улар бошқаларни ҳам ортларидан эргаштириб, мавжуд қарама-қаршиликлар бартараф этилиши мумкинлигига ишонтиришлари учун улкан имкониятга эга бўлади", — деган Гутерреш.
У, БМТ бош котиби бўлган вақтда Москва ҳамда Вашингтонни сафарбар қила оладими?, деган саволга Гутерреш шундай жавоб қайтарган: "Имконим даражасида барчасини амалга ошираман".
