АҚШ президентлиги учун номзодлар Ҳиллари Клинтон ва Дональд Трамп сўнгги, учинчи телемунозараларга киришишдан аввал ҳам қўл бериб кўришишмади, деб хабар қилади Reuters агентлиги.
Демократик партия ва Республикачилар партияси номзодлари ўртасидаги баҳслар Невада штатида президентлик баҳсларини ташкил этиш Комиссияси томонидан ташкил этилди.
Ўтган сафарги телебаҳслар 9 октябрь куни Вашингтон Университетининг Сент-Луис шаҳридаги биносида бўлиб ўтган эди.
Телебаҳсларда, аввал хабар қилинганидек, Барак Обаманинг ўгай акаси ҳам қатнашди. У республикачи номзод Дональд Трампни қўллаб-қувватлашини маълум қилган эди.