Фото: skynews
Озарбойжон президенти Илҳом Алиев Тоғли Қорабоғ муаммосини ҳал этиш учун Арманистон давлат раҳбари Серж Саргсян билан учрашиш ниятида. Бу ҳақда, ЕХҲТ Минск гуруҳининг АҚШ томонидан ҳамраиси Жеймс Уорлик баёнот берди, дея хабар қилмоқда РИА «Новости» агентлиги.
«Мен шахсан Озарбойжон раҳбари билан гаплашдим. У Тоғли Қорабоғ можаросини тинч йўл билан ҳал этиш фикрига содиқлигини билдирди. Алиев шунингдек, таклифларни муҳокама қилиш учун учрашувга тайёрлигини изҳор қилди», — деган Уорлик.
Унинг айтишича, яқин орада икки давлат раҳбарларининг учрашувини ташкил этиш масаласи кўриб чиқилади.
