Америкалик дрифтчи Вон Гиттин кичик Формула-1 мусобақалари ўтувчи Каталунья-Монтмело трассасида бир ярим километр масофани сирпаниб ортда қолдиришга эришди. Унинг натижаси акс этган видеолавҳа YouTube сайтидаги Ford Performance расмий саҳифасига жойлаштирилган.
Дастлаб Гиттин учинчи бурилишда салкам 500 метр сирпанган, сўнгра учинчи бурилишдан чиқишга уланишдан тўртинчи бурилиш якунигача яна бир километр масофани шу тарзда ортда қолдирган. Ҳайдовчи трекда ўзининг Mustang RTR Spec 5-D пойга машинасида ҳаракатланган. Унга 8 цилиндрли, 900 от кучига эга, ишчи ҳажми 7,1 литр бўлган двигатель ўрнатилган.
