Фото: tolonews
Афғонистон хавфсизлик кучлари ўтган кун давомида террорчиликка қарши олиб борилган махсус амалиётларида камида 66 нафар жангарини йўқ қилган. Бу каби амалиётлар мамлакатнинг қатор вилоятларида ўтказилган, деб хабар қилмоқда Khaama Press агентлиги мудофаа вазирлиги маълумотларига асосланган ҳолда.
Вазирлик ахборотига кўра, ўлдирилганларнинг қарийб ярми ИШИД радикал гуруҳи аъзоларидир. Шунингдек, олиб борилган жанговар ҳаракатларда 23 террорчи яраланган, 11 киши асир олинган.
Жангарилар билан тўқнашувларда камида 6 нафар ҳарбий хизматчи бой берилган.
