Америкалик теннисчилар ажойиб муваффақиятга эришишди: ака-укалар теннис бўйича жуфтликлар ўйинида ўзларининг 1000-ғалабаларини қўлга киритишди. Бу ҳақида ATP расмий сайти хабар берди.
Америкалик теннисчилар Боб ва Майк Брайанлар теннис бўйича жуфтликлар ўйинида 1000-марта ғолиб бўлишди. Спортчилар бу юбилей санага етиб келгунча 19 мавсумни ўтказишди.
Брайанларнинг 1000-ғалабаси Венадаги турнирнинг чорак финал баҳсларига тўғри келди, бу ерда улар уругвайлик Пабло Куэвас ҳамда сербиялик Виктор Троицкиларга қарши ўйин кўрсатишган. Боб ва Майк 6:4, 4:6, 10:7 ҳисобида ғалаба қозониб, ярим финалга йўлланма олишди - энди улар польшалик Лукаш Кубот ва бразилиялик Марсело Мело билан баҳс олиб боришади.