Словакиялик теннисчи Доминика Цибулкова айни вақтда аёллар ўртасидаги биринчи рақамли теннисчи, германиялик Ангелика Керберни Аёллар теннис уюшмасининг (WTA) якуний мусобақаси финалида мағлуб этди.
WTA рейтингида 8-ўринни эгаллаётган Цибулкова ҳал қилувчи ўйинда Керберни 6:3, 6:4 ҳисобида ютди. Учрашув 1 соат 16 дақиқа давом этди.
27 ёшли Цибулкова учун бу WTA’нинг биринчи якуний мусобақаси бўлди.
Сингапурда ўтган мусобақанинг мукофот жамғармаси 7 млн долларни ташкил қилди.