Япониянинг электроника маҳсулотлари ишлаб чиқарувчи Sony (NYSE: Sony Corp Ord [SNE]) компаниясининг 2016 молия йили II чорагидаги соф даромади кескин пасайган. Компания эълон қилган ҳисоботга кўра, корпорация даромади ўтган йилнинг шу даврига нисбатан 7 мартага камайиб, 4,8 млрд иен (45 млн доллар)ни ташкил этган.
Компаниянинг савдо ҳажми ва амалий тушуми 10,8 фоизга, 1,69 трлн иен (16,1 млрд доллар)гача камайган. Бунга Sony вакилларининг сўзларига кўра, биринчи навбатда валюталар курсининг ўзгариши сабаб бўлган. Bloomberg агентлиги мурожаат қилган таҳлилчилар компания амалий даромадини 49,7 млрд иен (474 млн доллар) атрофида бўлишини прогноз қилишган эди.
Шу муносабат билан Sony жорий молия йили учун даромад прогнозини қайта кўриб чиққан. Компания даромадлари камайиши сабабларидан бири сифатида аккумуляторлар ишлаб чиқариш бўлимининг сотилганини кўрсатган.
