Фото: farishta.uz
Ўзбекистонда миллий телекоммуникацион оператор ҳисобланмиш «Ўзбектелеком» акциядорлик компаниясининг янги бош директори Шуҳрат Қодиров бўлди. Бу ҳақда компания сайтида маълум қилинган.
Ўтган йилнинг мартидан буён Шуҳрат Қодиров «Ўзбектелеком» филиали ҳисобланмиш UZMOBILE миллий мобил алоқа оператори раҳбари сифатида ишлаб келаётганди.
У янги лавозимда Абдурашид Абдумўминовни алмаштирди. Абдумўминов 2013 йилнинг мартидан буён ушбу лавозимда фаолият юритиб келмоқда эди.
