Фото: Reuters
Жанубий Кореянинг учта мухолиф партияси мамлакат президенти Пак Кин Хега нисбатан импичмент эълон қилиш бўйича қонун лойиҳасини парламент муҳокамасига киритди. Бу ҳақда Yonhap агентлиги хабар қилмоқда.
Таъкидланишича, умумий ҳисобда 171 нафар депутат резолюцияни қўллаб-қувватлаган. Аслида Пак Кин Хе ваколати 2018 йил февралида якунланиши керак.
Эслатиб ўтамиз, Пак Кин Хенинг дугонаси Цой Сун Силнинг давлат ишларига аралашуви ҳамда унинг коррупцияда гумон қилиниши сабабли Корея президенти атрофида сиёсий можаро авж олган эди.
Мухолиф партиялар импичмент лойиҳаси бўйича 9 декабрда овоз беришни режалаштираётгани хабар қилинган эди.
