«Манчестер Юнайтед» бош мураббийи Жозе Моуриньо жамоаси билан Англия премьер-лигасида чемпион бўлмоқчи экани, аммо бу жорий мавсумда амалга ошмаслиги мумкинлиги ҳақида гапириб ўтди.
«Клубга янги мураббий келганида олдинги жамоа устозининг ишига турлича ўзгартиришлар киритадиган ҳолатлар кузатилади. Бундай вазиятда янги мутахассиснинг озгина бармоқ излари сезилиши мумкин ва бу орқали жамоа кўп нарсаларга эриша олади. Бироқ биз бу йўлдан бораётганимиз йўқ.
Биз барчасини бошқаттан бошламасдан кетганимизда жуда яхши натижалар қайд этишимиз мумкин эди. Мен тактик модел ҳақида эмас, жамоанинг қандай ўйнаши ҳақида гапирмоқдаман. Футболда жамоанинг ўйинини ўзгартириш – энг қийин иш.
Биз ҳеч бир шубҳасиз, ўйинимизни ўзгартиряпмиз, ривожлантирмоқдамиз. Биз қаерга қараб кетаётганимизни яхши биламиз. Мақсадимиз – чемпион бўлиш. Аммо бу мавсумда бу ишни амалга оширишни иложи бўлмас, бироқ кейинги мавсумда – албатта бўлади» - дея Моуриньодан иқтибос келтиради FourFourTwo.
