Мисрнинг «Замалек» клуби мамлакат миллий чемпионатидан чиқиб кетиши ҳақида эълон қилди.
«Бу мавсумда чемпионатдаги иштирокимизни давом эттирмаймиз. Ҳакам Иброҳим Нур ад-Дин – порахўр, мен унга бундай тирикчилик қилишига йўл қўймайман. Ушбу мавсумда бошқа ўйнамаймиз, ҳакамлар бизни мажақлаб ташлашмоқда. Ҳани Абу Ридо (Миср футбол федерацияси вице-президенти) барча жиҳатлар стандартларга мос бўлишини таъминлай олмаяпти.
Бу сафар ҳазиллашаётганим йўқ. Бутун директорлар кенгаши мавсумни давом эттиришимизга қарши бўлмоқда. Ё биз кейинги ўйинда майдонга тушмаймиз, ёки мен кетаман. Мен ҳакамларнинг босимига бошқа чидаб тура олмайман», – деган «Замалек» президенти Муртазо Мансур.
Ўтган йил декабрида ҳам «Замалек» ҳакамлар туфайли чемпионатдан чиқиб кетишини эълон қилганди. Ўша мавсумда жамоа 2-ўринни эгаллаган бўлса, ҳозирга келиб 6-ўринда боришмоқда.