Фото: Fotolia
Ҳавайинининг Гонолулу тарихий марказида ўзбек ошхонаси илк бор очилади. Бу ҳақда Pacific Business News хабар бермоқда.
Silk Road Cafe ресторанини очаётган жамоа ўзбекистонлик эр-хотин Акром ва Маъмура Юлдошевалар ҳисобланади. Ресторан кейинги йилнинг бошида авваллари The Honolulu Advertiser нашри ишлаган «Аркада» уч қаватли биносининг биринчи қаватида очилади.
Silk Road Cafe номи Буюк Ипак йўли шарафига номланган бўлиб, душанбадан жумага қадар тушлик вақтларида ишлайди.
Silk Road Cafe’да айни вақтда таъмирлаш ишлари якунланган. Бу ерда хўрандаларга манти, лағмон, палов ва ўзбек миллий таомларининг бошқа намуналари тақдим этилади.
