Фото: EPA
Ити ўлиб қолган аргентиналик оила ўз жониворларининг генидан нусха олиб қолиш мақсадида клонлаштириш технологиясидан фойдаланди. Бу ҳақда El Comercio портали хабар бермоқда.
Нашр маълумотига кўра, жараён нархи 60-100 минг доллар атрофида баҳоланган. Энтони лақабли ит қариликдан 17 ёшида ўлган. Мутахассислар итнинг терисидан намуна олишган, Буэнос-Айресда тўқималар кўпайтирилган, шундан сўнг Жанубий Кореядаги махсус лабораторияда улар орасидан клонлаштириш учун мос келадигани танлаб олинган.
Клонлаштириш жараёни тугагач, 13 июль куни кучук боласи дунёга келган. Жараённинг муваффақияти ҳақида эса 12 декабрь куни маълум қилинган.
