Фото: AP
Германиянинг Lufthansa авиакомпанияси самолёти Нью-Йоркдаги халқаро аэропортга фавқулодда қўнди, деб хабар беради ABC.
Хьюстондан Франкфуртга йўл олган 441 рейс Нью-Йоркдаги Жон Кеннеди номли халқаро аэропортга жўнатилган. Бу ҳолат “телефон орқали портлаш ҳақида пўписа қилингач” рўй берди.
Самолёт аэропортнинг энг чекка қисмига жўнатилди. У ерда барча йўловчилар лайнерни тарк этишган.
Айни дамда самолёт мутахассислар томонидан кўздан кечирилмоқда.
