"Ўзбекистон ҳаво йўллари" миллий авиакомпанияси (МАК) 2017 йилнинг 1 январидан Нью-Йорк ва Истанбул йўналишларидаги рейсларида юкларни ташиш қоидаларини ўзгартиради. Бу ҳақида МАК расмий сайтида хабар берилди.
Киритилган ўзгаришларга мувофиқ юкларни бепул ташишнинг қуйидаги қоидалари жорий этилади:
Тошкент - Нью-Йорк ва ортга қайтиш
- Эконом тоифа: ҳар бирининг вазни 23 килограммдан кўп бўлмаган 2 ўрин
- Бизнес тоифа: ҳар бирининг вазни 32 килограммдан кўп бўлмаган 2 ўрин
- 158 сантиметрдан ортиқ бўлмаган ҳар бир ўрин уч ўлчам суммасида
Тошкент-Истанбул ва ортга қайтиш
- Эконом тоифа: 35 килограмм
– Бизнес тоифа: 40 килограмм