Фото: Google image
БМТ бош котиби Пан Ги Мун Жанубий Кореяда муддатидан аввал ўтказиладиган сайловларда қатнашиши мумкинлигига ишора қилди. Бу ҳақида ТАСС агентлиги хабар берди.
"Менинг БМТ бош котиби лавозимида ишлаган 10 йиллик тажрибам Жанубий Кореянинг ривожланишига ёрдам берса, бу мақсадга эришиш учун ўзимни қурбон қилишга тайёрман", - деди у Нью-Йоркда жанубий кореялик журналистлар билан бўлган учрашувда.
Бош котиб Жанубий Корея фуқароларининг бу борадаги фикр-мулоҳазаларини тинглабгина якуний қарорга келишини таъкидлади.
Пан Ги Мун 31 декабрда эгаллаб турган лавозимини тарк этганидан кейин, январь ойининг ўрталарида Сеулга қайтишини маълум қилди.
