Мадриднинг «Реал» клуби 2017 йил ёзида трансферлар вақтида фаол ҳаракатланади.
Ole хабарига кўра, жамоа бош мураббийи Зайнидин Зидан «Ювентус»нинг аргентиналик ёш ҳужумчиси Пауло Дибалани таркибга қўшиб олишни режалаштирмоқда.
AS хабарига кўра эса, «Реал» Дортмунднинг «Боруссия» клуби ҳужумчиси, 27 ёшли Пьер-Эмерик Обамеянгни қўлга киритишга уриниб кўради. Агар габонлик футболчи билан шартнома имзоланмаса, мадридликлар эътиборини Пауло Дибалага қаратади.
Бундан аввал испан нашрлари «Барселона» Дибалага қизиқиш билдираётгани ҳақида ёзганди.
Италия чемпионатининг 17 туридан кейин Дибал 10 учрашув ўтказган, 3 гол урган ва 2 голли узатма муаллифи бўлган.
