2017 йилнинг энг арзон сайёҳлик йўналиши аниқланди. Forbes талқинига кўра, Шимолий Вьетнам 2017 йилда энг арзон сайёҳлик йўналиши бўлди. Ушбу ҳудуд 21 та ўриндан иборат рўйхатга бошчилик қилмоқда.
Хитой билан чегара бўйлаб ҳудудлар – Вьетнам пойтахти Ханойдан шимолда сайёҳ хусусий сектордаги уй учун бир кечага 10-15 доллар, умумий ётоқхонадаги жойга эса 5 доллар тўлайди. Овқатланишда бир таом учун 50 центдан 2 долларгача тўланади.
Рейтингнинг 2-ўрнини Қирғизистон пойтахти Бишкек эгаллади. Бу ерда хусусий секторда яшаш кунига 15 долларга, овқатланиш 2 долларга тушади. Сайёҳ икки марта овқатланиш билан ўтовда яшашга кунига 20 доллар тўлайди. Етакчи учликни Лиссабон якунламоқда, бу ерда арзон уй кечасига 30 долларга баҳоланади.
Рейтингнинг кейинги ўринларини Сеул, Бухарест, ЖАРдаги Кейп-Пойнт бурни, Крит ороли (Греция), Филиппиннинг Палаван ороли, Берли Хедс аҳоли пункти (Австралия, Квинсленд штати) ва Порту эгаллаган.
