АҚШнинг сайланган президенти Дональд Трампнинг қасамёд маросимида Москва номидан Россиянинг Қўшма Штатлардаги элчиси Сергей Кисляк иштирок этади. Бу ҳақда вазиятдан хабардор манбасига асосланган ҳолда РИА Новости агентлиги хабар берган.
«Ҳеч қандай протоколдан четга чиқишлар бўлмайди», — деган манба. Россия ТИВда, шунингдек, кўп йиллар мобайнида АҚШдаги бундай маросимларда Россия элчиси иштирок этиб келгани таъкидланган.
7 январь куни АҚШ Конгресси палаталари қўшма йиғилишида мамлакатда бўлиб ўтган президентлик сайлови якунлари кўриб чиқилди ва Дональд Трамп уларда ғолиб чиққани расман эълон қилинди.
Маълумот учун, Дональд Трампнинг инаугурация маросими 20 январга белгиланган.
