Дональд Трампнинг АҚШ президенти этиб сайланиши Европага Brexit’дан сўнг иккинчи қаттиқ зарба бўлди. Бу ҳақда Франциянинг “Миллий фронт” партияси етакчиси, мамлакат президентлигига номзод Марин Ле Пен Германиянинг Кобленц шаҳрида ташкил этилган Freedom for Europe анжуманида маълум қилди.
"Қўҳна Европа учун иккинчи зарбани (Brexit’дан сўнг) узоқ кутиш керак бўлмади – жаноб Трампнинг АҚШ президенти этиб сайланиши", - деди Ле Пен.
Унинг таъкидлашича, "унинг Европа бўйича позицияси маълум ва тушунарли". "У кишиларга зулм ўтказиш тизимини қўллаб-қувватламайди", - деди Ле Пен.
Кобленц шаҳридаги анжуман ишида Европарламентнинг ўта ўнг фракцияси "миллатлар ва озодлик Европаси" вакиллари иштирок этмоқда. Унинг таркибига Франциянинг Миллий фронти, Бельгиянинг "Фламанд манфаати" ва Италиянинг "Шимол лигаси" партиялари киради.
