8 февраль куни Олий ва ўрта махсус таълим вазирлиги ҳузуридаги Бош илмий-методик Марказида “Осиёда ўқитувчиларни касбий тайёрлашда гендер масалаларнинг баҳоланиши” мавзусида ўқув-семинари ўтказилди
ЮНЕСКОнинг Ўзбекистондаги ваколатхонаси, Ўзбекистон Республикаси Олий ва ўрта махсус таълим вазирлиги, вазирлик ҳузуридаги Бош илмий-методик Марказ томонидан ташкил этилган ўқув-семинарида Олий ва ўрта махсус таълим вазирлиги вакиллари, ЮНЕСКО ваколатхонаси ходимлари, олий таълим муассасаларининг раҳбар ва педагог кадрлари ҳамда амалиётчи-мутахассислар иштирок этишди.
Ўқув семинари иштирокчилари ўртасида қуйидаги йўналишларда анкета-сўровномалари ўтказилди:
- ўқитувчиларни касбий тайёрлаш бўйича дарсликлар муаллифлари учун;
- ўқитувчилар тайёрлаш учун таълим дастурлари ва ўқув материалларини ишлаб чиқарувчи ташкилотлар раҳбарлари учун;
- мактаб дарсликларини гендер баҳолаш учун;
- ўқитувчиларни касбий таёрлаш бўйича ташкилотлар учун ва бошқалар.
Маърузалар, савол-жавоблардан ташқари анкета-сўровномалар шаклида ўтказилган ўқув-семинари иштирокчиларда унутилмас таассурот қолдирди.
