Буюк Британиянинг қўлда териладиган спорт автомобиллари ишлаб чиқарувчи Morgan компанияси экологик ва замонавий транспорт воситаларининг ёш мухлисларини хурсанд қилишга қарор қилди. Шу мақсадда, болалар учун бир ўриндиқли ажойиб ретро-электрокар EV3 Junior ишлаб чиқилди.
Айтиш жоизки, ушбу болалар учун мўлжалланган ўйинчоқ ўтган асрнинг 30-40-йилларига тегишли ҳақиқий болидларни ёдга солади. 3 ғилдиракда ҳаракатланувчи электрокар қучли батарея билан жиҳозланган, унинг корпуси углерод толасидан ишланган. Автомобиль салони хромланган жиҳозларга эга ҳамда табиий ёғоч билан ишлов берилган. Ҳар бир мижоз учун махсус тайёрланувчи ҳайдовчи ўриндиғи табиий чарм билан қопланган. У соатига 16 км. тезликда ҳаракатлана олади.
Ҳар бир шундай автомобиль буюртма асосида ишлаб чиқилади ва 10 000 доллар турадиган нархидан келиб чиққан ҳолда айтиш мумкинки, 8-10 ёшдаги ҳамма ҳайдовчи ҳам буни харид қила олмайди. Аммо электрокарнинг техник тавсифлари эътиборга олинса, бундай юқори нарх ўзини оқлайди, дейиш мумкин. Ишлаб чиқарувчининг сайтида унга буюртма қабул қилиш бошланган.
Таъкидлаш керак, катта ёшлиларга қараганда, болаларда Tesla электромобилининг рақобатчиси пайдо бўлди. Маълумки, болалар ўйинчоғини ишлаб чиқарувчи Radio Flyer лицензия асосида болалар учун Tesla электрокарларини ишлаб чиққан эди. Илон Маск митта нусхадан кўнгли тўлган ва уни Twitter саҳифасида реклама ҳам қилган эди.
