АҚШнинг Иллинойс штати Чикаго шаҳрида бўлиб ўтаётган кўргазмада Жанубий Кореянинг Hyundai компанияси Elantra хэтчбекининг янги GT авлодини намойиш этди. Бу модель, таъкидланишича, шу номдаги седан билан умуман алоқаси йўқ. У ўтган йилнинг кузида Европада тақдим этилган беш эшикли i30 моделининг Америка учун мўлжалланган модификацияси ҳисобланади.
Модель икки хил русумда мижозларга ҳавола қилинади: биринчисига 162 от кучига эга, 2,0 литрли атмосферали мотор ўрнатилади. Elantra Sport русуми мустақил орқа подвеска, 201 от кучига эга бўлган 1.6 T-GDI кучайтирилган двигатель ёрдамида ҳаракатланади. Ушбу икки мотор ҳам 7 диапазон ва икки сиқувчига эга автоматик узатмалар қутиси воситасида автомобилни ҳаракатга келтиради.
Elantra жиҳозларига Blue Link тизими ҳам киради. У смартфон воситасида двигателни масофадан ишга тушириш, иқлим назоратини бошқариш, кўринмас ҳудудлар ва чизиқларни кузатиш, олд тўқнашувларнинг олдини олиш имконини беради. Бундан ташқари, Infinity аудиотўплами ва 8 дюйм экранли янги мультимедиа тизими ҳам бор.