Ўзбекистонда UzGazOil автомобилларга ёқилғи қуйиш шохобчаларини қайта номлаш ишлари бошланди. Эндиликда улар расман "Ўзбекнефтегаз" деб номланади ва миллий холдинг компаниясининг фирма тимсолига эга бўлади.
Эслатиб ўтамиз, 2011 йили UzGazOil компаниясининг юз фоиз акцияси "Ўзбекнефтегаз" МХК ҳисобига ўтказилганди. 5 йиллар аввал, "Ўзбекнефтегаз" мамлакат бўйлаб ягона АЁҚШлар тармоғини барпо этиш режасини маълум қилганди.
Бугунги кунга келиб, Тошкент шаҳридаги кўплаб АЁҚШлар ўзгаришга учраган.
Маълумки, Ўзбекистонда яқин орада Россиянинг "Лукойл" компаниясининг АЁҚШ тармоқлари ҳам пайдо бўлиши кутилмоқда. Россия компанияси шундай режалари хусусида маълум қилган эди.
