23 февраль куни Тошкентдаги Халқаро бизнес марказида ўзбек ва қозоқ дипломатлари ўртасида 16-Ҳукуматлараро йиғилиш бўлиб ўтди.
Тадбирда Қозоғистон ва Ўзбекистоннинг ташқи иқтисодий алоқалар, савдо-саноат, инвестиция, нефть-газ, божхона, транспорт, энергетика, электр техникаси, темир йўл, авиаташув, машинасозлик, қурилиш, қишлоқ хўжалиги, озиқ-овқат саноати, фармацевтика соҳаларида фаолият кўрсатаётган вазирлик ва идоралари раҳбар ва вакиллари иштирок этишди.
"Ўзбекистон - ҳаётнинг барча жабҳаларида биз учун ишончли ва узоқ муддатли ҳамкор", - деди Қозоғистон Республикаси бош вазир ўринбосари Асқар Мамин.
Мамин Қозоғистон ва Ўзбекистон қисқа муддатларда ташқи савдо алоқаларини мустаҳкамланиши зарурлигини қайд этди. Қозоғистонда саноат, нефть ва кимёвий маҳсулотлар йўналиши бўйича савдо уйлари ташкил этилганини таъкидланди. Келгусида бошқа йўналишларда ҳам қўшма савдо уйлари яратиш режалаштирилганини маълум қилди. А.Мамин яқин истиқболда товар айирбошлашни ошириш асосий мақсадлардан бири эканини таъкидлади.
Қозоғистон бош вазир ўринбосари иқтисодий ҳамкорликнинг янгиланган стратегияси ишлаб чиқилганини маълум қилди. Унда икки томонлама ҳамкорлик қилинадиган соҳалар кўламини янада кенгайтириш кўзда тутилгани қайд этилди.
Шунингдек тадбирда Остона шаҳрида бўлиб ўтадиган "Экспо-2017" кўргазмасида Ўзбекистон вакилларининг иштирок этиши тасдиқланди.
