Ўзбекистон Президенти Шавкат Мирзиёев март ойида Қозоғистонга ташриф буюриши мумкин. Бу ҳақда 2017 йил 23 февраль куни Тошкентдаги бизнес марказида икки ёқлама ҳамкорлик бўйича Ўзбекистон Республикаси ва Қозоғистон Республикаси ўртасида қўшма 16-ҳукуматлараро комиссия йиғилишида маълум қилинди.
“Ўзбекистон Президенти Шавкат Мирзиёев жорий йилнинг март ойида Қозоғистонга давлат раҳбари сифатида ўзининг илк ташрифини амалга ошириши мумкин”, - деб хабар беради ҳукуматлараро комиссия йиғилишида Ўзбекистон бош вазирининг биринчи ўринбосари Очилбой Раматов.
Бугунги тадбир Қозоғистон бош вазири ўринбосари А.Мамин бошчилигидаги делегация ташрифи доирасида ташкил этилди.
Бундан олдинроқ Шавкат Мирзиёев апрель ойи бошида Москвага расмий давлат ташрифи билан бориши ҳақида хабар берилганди.
