Афғонистон шимолидаги Қундуз вилоятида ҳукумат кучларининг операцияси давомида бир суткада камида 18 жангари йўқ қилинди. Бу ҳақда Афғонистон мудофаа вазирлиги расмий вакили Ғулом Ҳазрат Каримийга иқтибос келтирган ҳолда "Синьхуа" ахборот агентлиги хабар бермоқда.
"Ҳукумат кучлари самолётлари Дашт-а-Арча туманида "Толибон" радикал ҳаракати жангарилари яширинган жойларга бир қатор зарбалар берди. 24 февралда бошланган авиазарбалар оқибатида 18 гача толиб йўқ қилинган, яна беш жангари жароҳат олган", деб айтган Каримий.
"Толибон" жангарилари бу маълумотга ҳозирча изоҳ беришмаган.
Мутахассисларнинг таъкидлашича, охирги вақтда жангариларнинг Афғонистоннинг шарқий ва жанубий вилоятлари – Лоҳар, Нангорхор, Гилманд, шимолидаги Қундуз, Жаузжон ва Парвона вилоятларида позициялари анча мустаҳкамлангани кузатилмоқда. Шу билан бирга "Толибон"нинг борган сари кўпроқ дала қўмондонлари "ИШИД"га вафодорликка қасамёд келтирмоқда.
