Netflix компанияси YouTube’да “Уруш машинаси” комедиясининг проморолигини тақдим этди. Унда Брэд Питт ва Тильда Суинтонлар бош ролларни ижро этишган. Бу фильм режиссёр Дэвид Мишо (“Ҳайвонлар салтанати”) томонидан суратга олинди.
Фильмга мухбир Майкл Хастингснинг “Тасвирчилар” (The Operators) ҳужжатли китоби асос қилиб олинди – у АҚШнинг Афғонистонга бостириб киришига бағишланган. Картина бош қаҳрамони – Қўшма Штатларнинг аксилтеррор амалиётига раҳбарлик қилувчи генерал Стэнли Маккристал (Питт).
Фильм премьераси 26 май куни бўлиб ўтади.
Маккристал Хастингс у билан ўтказган интервьюсини Rolling Stone журналида эълон қилгач 2010 йилда истеъфога чиқди. Унда генерал АҚШнинг Афғонистондаги элчиси Карл Эйкенберри ва бошқа америкалик сиёсатчилар, жумладан ўша пайтдаги вице-президент Жо Байден ҳақида салбий фикрларни билдирган.
