Фото: RIA
Доғистоннинг Қизилюрт шаҳридаги полициячи ўз ҳамкасбларини ўққа тутди. Бу ҳақда РИА “Новости” ахборот агентлиги маълум қилмоқда.
Воқеа 7 март куни Қизилюртдаги кафелардан бирида юз берган.
"Йўл-патруль хизмати ходими юзага келган низо сабабли ўз ҳамкасбларига ўқ узган. Оқибатда 3 полициячи шифохонога етказилган", деб айтган бир манба.
Таъкидланишича, полициячилар ўрта оғирликдаги жароҳатлар олганлар, уларнинг ҳаётига ҳеч нарса хавф солмаяпти.
Ушбу воқеа юзасидан хизмат текшируви олиб борилмоқда.
