11 мартга ўтар кечаси АҚШ махфий хизмати Оқ уйга кирмоқчи бўлган эркакни қўлга олди. Бу ҳақда маҳаллий ҳуқуқ-тартибот идоралари маълум қилди.
Рюкзаги бор номаълум кимса Оқ уй панжарасидан ошиб тушиб, сайёҳлар учун ёпиқ бўлган жанубий эшикка яқинлашишга муваффақ бўлган. Бироқ шундан кейин эркак пайқалиб, қўлга олинган.
У қандай мақсадда Оқ уйга яқинлашгани номаълумлигича қолмоқда. Унинг рюкзагида на қурол, на хавфли материаллар аниқланмаган.
Бироқ шунга қарамай, Оқ уй хавфлиликнинг "зарғалдоқ" даражасига ўтказилди, деб хабар бермоқда Associated Press ахборот агентлиги.
АҚШ президенти Дональд Трамп воқеа юз берган вақтда Оқ уйда бўлган ва бу ҳақда эркак қўлга олингандан кейингина хабар топган.
