Суриянинг Раққа шаҳрини озод этиш яқин кунларда бошланиши мумкин. Бу ҳақда Франция мудофаа вазири Жан-Ив Ле Дриан маълум қилди.
"Бугун шуни айтиш мумкинки, Раққа ўраб олинган ҳамда шаҳар учун жанг яқин кунларда бошланади", - дея Ле Дрианнинг CNEWS телеканали эфирида айтган сўзларидан иқтибос келтирган Франс Пресс агентлиги.
Аввалроқ “Сурия демократик кучлари” араб-курд отрядларига ИШИДнинг Суриядаги “пойтахти” Раққани бутунлай тўсиб қўйиш, шундан сўнг шаҳарга ҳужум бошлаш учун 15 кун талаб этилиши хабар қилинганди.
