Россия президенти Владимир Путин мамлакат қуролли кучлари сонини ошириш ҳақидаги фармонга имзо чекди. Бу ҳақда ҳуқуқий маълумот расмий сайтида маълумот берилди.
Ҳужжатга кўра, 2017 йил 1 июлдан бошлаб Россия қуролли кучлари штат бирлиги миқдори 1 млн 903 минг 51 киши этиб белгиланади, улардан 1 013 628 нафари ҳарбий хизматчилардир.
2016 йилнинг июлида Россия қуролли кучлари штат бирлиги миқдори 1 млн 885 минг 371 эди, улардан роппа-роса 1 млн. нафари ҳарбий хизматчилар бўлган.
Таъкидланишича, янги фармон 28 мартдан кучга кирди.
