АҚШ махсус хизматлари террорчиларнинг самолёт бортига бомбаларни олиб ўтишига доир янги усуллар ҳақида хабар топишди. Бу ҳақда CNN ўз манбаларига таянган ҳолда хабар бермоқда.
Манба маълумотига кўра, жангарилар олиб ўтилувчи электрон қурилмаларда портловчи мосламани жойлаштиришга имкон берадиган технологияни ишлаб чиққан. Таъкидланишича, бундай усул ҳаттоки юкни сканердан ўтказиш тизимини ҳам алдаши мумкин экан.
Манбанинг қайд этишича, айнан шу маълумот АҚШ томонидан қатор авиарейсларда гаджетлар олиб ўтилишига тақиқ қўйилишига сабаб бўлган бўлиши мумкин.
Аввалроқ АҚШ ҳукумати мамлакатга 13 та давлатдан келувчи самолётлар бортига электрон қурилмалар олиб ўтишни тақиқламоқчи экани ҳақида хабар бергандик.
