"Формула-1" пойгаларининг уч карра жаҳон чемпиони Льюис Хэмилтон ўз мухлисларига чемпионатни тарк этишини "маълум қилди".
Британиялик пойгачи Instagram’даги саҳифасида чоп этган сурати остида “Зарур хабар. Льюис Хэмилтон бугундан бошлаб "Формула-1"дан кетмоқда” деган ёзув қолдирган.
Бироқ Хэмилтон мухлисларини кўп ҳам асабийлаштириб ўтирмади ва бу 1 апрель ҳазили эканлигини тан олди.
“Ақлдан озиш мумкин, ҳаммани 1 апрель билан!”, деб хабар охирига бир нечта смайлик қўшиб қўйган пойгачи.
Хэмилтон "Формула-1"нинг жорий мавсумдаги биринчи пойгаси – Австралия Гран-присида "Феррари" пойгачиси Себастьян Феттелдан кейин 2-ўринни эгаллади.
