YouTube сайтининг Urban Hillbilly Videos саҳифасида Оклахома штати Талса шаҳрида жойлашган Америка дрэг-стрипларидан бирида олинган видео жойлаштирилди. Унда 4000 от кучига эга «Корвет» машинаси негизида ишлаб чиқилган автомобиль соатига 360 км тезликда ҳавога учгани акс этган.
Роликда Alepa Racing жамоаси томонидан қайта жиҳозланган Chevrolet Corvette машинасининг ҳаракатланиши қайд этилган. Пилот Дэниел Фаррис бошқарган автомобиль ярим финалга чиққани сабабли 200 метрлик масофада ўтказиладиган мусобақада қатнашиши керак эди. Машина масофанинг охирларига келганида ҳавога кўтарилиб, кузовнинг олд панеллари тушиб кетган ҳамда бир неча ўн метр баландликдан асфальтга қулаган. Ҳайдовчи жабрланмаган.
Ҳалокатга қарамай, электроника Фарриснинг финиш чизиғини босиб ўтганини қайд этди. У бу масофани 4,6 сонияда босиб ўтди. Машина тезлиги масофа охирида соатига 365 км бўлган.
