Ўзбекистон Республикаси Президенти Шавкат Мирзиёев Колумбия Республикаси президенти Хуан Мануэль Сантос Кальдеронга Путумайо провинциясида юз берган ва кўп сонли кишиларнинг қурбон бўлишига ва вайроналарга сабаб бўлган йирик табиий офат муносабати билан чуқур ҳамдардлик билдирди. Бу ҳақда Ўзбекистон Республикаси ТИВ ахборот берди.
Мактубда Ўзбекистон раҳбари барча колумбияликларга, шунингдек, ҳалок бўлганларнинг оила аъзолари, яқинлари ҳамда жароҳатланганларга ҳамдардлик ва далда сўзларини йўллади.
Апрель ойи бошида Колумбиянинг Путумайо провинцияси маркази — Мокоа шаҳрида рўй берган сув тошқини ҳамда сел келиши оқибатида ҳалок бўлганлар сони 290 кишига етган. 2,7 мингга яқин киши вақтинчалик бошпаналарга жойлаштирилган.
