АҚШнинг Суриядаги аэродромга берган ракета зарбаси ягона бўлса ҳам, АҚШ конгресси билан келишилиши керак эди, деб айтди Калифорния конгрессмени Адам Шифф MSNBC телеканали эфирида.
"Сурияда биз қилаётган ҳеч бир ҳаракат америкалик қонун чиқарувчилар билан келишилмаган ", деб таъкидлаб ўтди Шифф.
АҚШ президенти Дональд Трамп айтгандек, Хомс вилоятидаги Шайрат аэродромига берилган зарба "АҚШ миллий хавфсизлигининг ҳаётий муҳим манфаатлари"дан келиб чиқиб амалга оширилган.
Аввалроқ АҚШ қуролли кучлари Сурия армиясига тегишли аэродромга 59 та Tomahawk ракетаси билан зарба бергани маълум қилинганди. Зарба беришдан мақсад, Вашингтоннинг фикрича, Идлибга кимёвий ҳужум амалга оширилган Хомсдаги базани йўқ қилишдан иборат бўлган.
